Liwat nga nagluntad ang tensyon sa tunga nanday Private Prosecution counsel Atty Lorna Kapunan kag Defense Lawyer Atty Kristine Ferrer sa ika-15 nga adlaw sang impeachment trial ni Vice President Sara Duterte.
Sa pag-object ni Kapunan sa cross-examination ni Ferrer, gintindugan sang defense lawyer nga ginapahanugutan ang iya nga pamangkot.
Ginreklamo naman sang depensa ang indi derekta nga pagsabat sang testigo sa iya pamangkot nga masabat lamang sang “yes or no.”
Panindugan sini nga may mga kahigayunan ang prosecution counsel sa pagpamangkot sang clarificatory questions sa iya redirect examination.
Sa objection ni Kapunan, ginpahanumdom ni Ferrer nga siya ang nagapatigayon sang cross examination, apang ini ang ginsabat sang private prosecution nga may limits sa cross examination, kag wala ginapahanugutan ang misleading question.
Didto na nagpatunga si Senate Trial Presiding Officer Chiz Escudero bangod sa ginpahayag sini nga kaangay sang “generational divide” sa tunga sang defense kag prosecution counsel.
Naglahog naman si Kapunan nga ginapunggan lamang sini ang iya kaugalingon nga bakulon si Ferrer, nga himuon niya kun may ara sang generational divide.
Medyo nagtahaw naman ang tensyon sang magpahayag si Ferrer nga mataas ang respeto niya kay Kapunan.
Ini ang ginsabat naman ni Kapunan nga untaton na nila ang issue, kag nagside comment nga “I’m still very much alive.”
