Amat-amat nga nagakadula ang paglaom para sa ginaduso nga ceasefire sa Gaza Strip kadungan sang pag-ibwal sang pag-ilinaway apisar sang pagpressure sang Estados Unidos sa Israel kag Palestinian militants nga Hamas agud makalab-ot sang agreement.
Matapos ang masobra napulo ka bulan nga gyera, ginpadala ang mga opisyales nagikan sa Estados Unidos kag Arab mediators nga Egypt kag Qatar nga magkitaay sa Cairo para sa isa nanaman ka round sang paghinun-anon subong nga semana apang pending pa ang kumpirmasyon.
Sang Miyerkules, natapos na ang latest tour ni US Secretary of State Antony Blinken sa Middle East, nga may tinutuyo nga ifinalize ang isa ka ceasefire nga wala sang breakthrough.
Sa isa ka phone call, ginduso ni President Joe Biden si Israeli Prime Minister Benjamin Netanyahu nga batunon ang isa ka deal sa tunga sang pressure nagikan sa pro-Palestinian protesters.
