Opisyal na nga ginturn-over sang Sabado ang pagpalakat ukon operasyon sang Ninoy Aquino International Airport (NAIA) sa pribado nga sektor nga New NAIA Infrastructure Corporation para sa rehabilitasyon sang main gateway sang pungsod.
Sa isa ka statement, ginpahayag sang Department of Transportation na itinurn-over sang key officials sang ahensiya kag Manila International Airport Authority ang airport sa bag-o nga private operator sa ginpatigayon nga seremonya sa NAIA Terminal 3.
Gin-athag naman sang DOTr nga magapabilin nga ang gobyerno ang magapanag-iya sang nasambit nga airport.
Sa tion nga natapos na ang 15 ka tuig nga concession nga mahimo mapalawig sang napulo ka tuig, igabalik ang mga operasyon sang NAIA sa gobyerno.
Samtang pila sa ginalauman nga pagbag-o sang mga biyahero kag iban pa nga stakeholders sa NAIA amo ang expansion sang Passenger Terminal Buildings, dugang nga aircraft parking bays, madugangan ang vehicular parking slots, installation sang world-class systems and technology,mas madamo nga food and beverage kag retail options, mas convenient nga land transport connectivity kag iban pa.
Lauman man nga mabuhinan ang pag-atrasar kag kanselasyon sang flights bangud sa mga issue sa mga pasilidad sang airport.
Sa ginpatigayon ang handover ceremony, ginpahayag ni NNIC Chairman Ramon Ang nga ang world-class airport ang nagakahulugan sang mas madamo nga trabaho, mas madamo nga turista kag masanyog nga Pilipinas.
Ginabanta nga yara sa P144 billion naman ang investment sang private operator agud nga mamanage kag marehabilitate ang NAIA.
