Lauman ang liwat nga pagnubo sang presyo sang produktong petrolyo sa masunod nga semana matapos ang gamay nga increase sa pump prices nga gin-implementar sang Martes.
Suno kay Rodela Romero, Director III sang Oil Industry Management Bureau, may pagnubo sa domestic pump prices sa masunod nga semana santo sa apat ka adlaw nga oil trading.
Lauman nga maganubo sa presyo nga 1.00 tubtob sa P1.30 ang kada litro sang Gasolina kag Diesel, samtang P1.20 tubtob sa P1.35 naman ang pagnubo sa Kerosene.
Ang pagnubo kag pagsaka sang presyo sang produktong petrolyo ang bangod sa mahina nga demand sang China kag Estados Unidos, kag mga report nga nagaplano ang Organization of the Petroleum Exporting Countries (OPEC) nga mapasanyog ang produksyon sa 180,000 barrels per day sa Oktubre kasubong man ang recovery sang Libyan oil production.
