Nagpanawagan ang Cadiz City Police Station sa mga ginikanan nga makig-angot sa mga otoridad kag indi ipa-agi sa social media kun ipa-adopt nila ang ila nga bata.
Ini matapos nagpost ang isa ka anonymous participant sa facebook sang picture sang bata nga naka-blur ang hitsura kag nagapamangkot kun sin-o man ang luyag nga mag-adopt sini bangud indi na na masarangan nga buhion ang bata bangud sa kapigaduhon.
Sa interview sang Bombo Radyo kay PLt Col. Lymel John Pasquin, hepe sang Cadiz City Police Station, ginpanugyan sini sa mga ginikanan nga kun ipa-adopt ang ila nga kabataan, makig-angot sa Department of Social Welfares and Development (DSWD) kag sa mga otoridad agud mapa-agi sa legal nga proseso.
Pahayag ni Pasquin, sa karun padayon nga ginatrace sang mga kapulisan ang account sang nagpost.
Dugang pa, wala man sila sang may nabaton nga complaint angot sini.
