Ginpanugyan sang Undersecretary sang Department of Health ang masami nga pag-inom sang tubig kag paglikaw sa pagbulad sa adlaw humalin alas-10:00 sang aga agud malikawan ang dehydration.
Sa imterview kay Health Undersecretary Dr Mary Ann Palermo-Maestral, head sang Universal Health Care Health Services Cluster Area III – Visayas, ginarekomendar sini nga kun mahimo tapuson na ang mga outdoor errands alas-8:30 tubtob alas-9:00 sang aga.
Suno diri, dapat wala na sang nagabulad sa init alas-10:00 sang aga, sa baylo magpasilong sa well-ventilated nga lugar kag masami nga mag-inom sang tubig.
Pahayag sang health official nga ang mabatyagan nga kakapoy kun hapon ang tuga na sang kakulang sang tubig sa lawas.
Ginarekomendar sini ang pagbalon sang bottled water kun may laktan, bangod samtang nagabatyag kita sang init, segi-segi man ang pag-evaporate sang tubig sa lawas, gani importante nga dugay-dugay man nga naga-inom.
Suno kay Dr Maestral, madamo sang balatian nga makuha bangod sa dehydration.
Dugang pa sini nga apisar manamit ang mag-inom sang prepared drinks kaangay sang softdrink, ini ang maka-dehydrate pa, gani mas maayo gid nga tubig ang imnon kun gina-uhaw.
