Nagapati si House Committee on Appropriations Vice Chairperson kag Lanao del Sur 1st District Representative Zia Alonto Adiong nga mangin isa ka pagpanghangkat nga makaagom sang impeachment conviction batok kay Vice President Sara Duterte sa Senado, samtang nagahilapit ang midterms elections.
Nagapati ini nga ang issue sa conviction ang isa ka pagpanghangkat kag ini ang number one nga challenge.
Ang tatlo ka mga impeachment complaints nga ginfile batok kay Duterte, nga nag-akusar sa bise-presidente sang indi insakto nga paggamit sang confidential funds, ang nagapabilin nga pending sa Office of the House Secretary General humalin sang Disyembre.
Makapila ka beses na nga ginpanginwala ni Duterte ang mga alegasyon.
Subong nga bulan, ginpahayag ni House Secretary General Reginald Velasco nga naverify na ang mga complaints apang pila ka mga kongresista ang nagrequest sang dugang nga tiyempo agud matun-an ang posible nga pagfile sang ikaapat nga impeachment complaint.
