Ginpahayag ni La Castellana Mayor Rhummayla Nicor Mangilimutan nga wala nalakip sa ila topiko ang bahin sa pulitika kasunod sang pagpadulong sang lima ka alkalde sa 5th District sang Negros Occidental sa puluy-an sang mga Arroyo sa La Vista Subdivision sa ciudad sang Quezon.
Nagpadulong sa puluy-an sang mga Arroyo sanday La Castellana Mayor Rhummyla Nicor Mangilimutan, Binalbagan Municipal Mayor Alejandro Mirasol, Moises Padilla Municipal Mayor Ella Yulo, Isabela Municipal Mayor Irene Montilla kag Himamaylan City Mayor Raymund Tongson.
Kag yara man didto si 5th District Board Member Anton Occeño.
Sa karun may yara sang huring-huring nga may duha ka mabaskog nga magabungguanay sa pagka-kongresista sa 5th District.
Ginapatihan nga maga-atubangay sanday Negros Occidental 5th District Congressman Dino Yulo kag Dina Arroyo Tantoco.
Sa interview sang Bombo Radyo Bacolod kay La Castellana Mayor Rhummayla Nicor Mangilimutan, sa ila pagpadulong sa balay sang mga Arroyo, wala naisturyahan ang angot sa pulitika.
Suno diri, nakahibalo ang tanan nga indi sila kabahin sang partido ni Congressman Yulo kag normal lamang nga may yara sila sang suportahan nga partdio.
