Ginmando ni President Ferdinand Marcos Jr. sa Department of Budget and Management ang pagpagwa sang P1.3 trillion program budget para sa ulihi nga quarter sang tuig.
Tinutuyo sang sini nga tikang nga marespondehan ang panginahanglanon sang mga Filipino nga naapektuhan sang mga kalamidad kag siguruhon nga gilayon ang mga ini nga makabangon.
Suno sa Department of Budget and Management (DBM), dako nga bahin sang pondo ang itigana sa social services.
Nalakip diri ang P2.74 billion para sa National Disaster Risk Reduction and Management Fund (NDRRMF) nga sakop ang Quick Response Fund (QRF) replenishment kag Emergency Cash Transfers (ECT), bilang preparasyon sa posible nga mga bagyo nga maabot pa sa pungsod sa ulihi nga quarter sang tuig
May yara naman sang P9.52 billion nga igatalana sa Department of Social Welfare and Development (DSWD) para sa mga nagapanguna nga social protection programs kaangay sang Pantawid Pamilyang Pilipino Program ukon 4Ps.
