Ginakonsiderar sa karun sang gobyerno sang Pilipinas ang pagpaidalum sa Lebanon sa alert level 4 ukon mandatory evacuation samtang nagapadayon ang pagbayluhanay sang atake sang Israel kag Hezbollah.
Suno kay DFA Undersecretary for Migration Eduardo Jose de Vega, wala sang mass repatriation sang Filipino sa Lebanon apang preparado ang pungsod nga mag-implementar sini kun kinahanglanon.
Apang suno diri, ang alert level 4 ang ginadeklarar lamang kun may large-scale internal conflict ukon isa ka full-blown external attack nga indi naman amu ang kaso sa Lebanon.
Suno diri, ang konflikto ang nasentro lamang sa tunga sang Israel kag Hezbollah targets kag indi sa bilog nga Lebanon kag indi man batok sa Lebanese government.
Suno pa diri, kalabanan sa mga Filipino sa Lebanon ilabi na ang mga Filipino community leaders ang nagaduha-duha nga magbiya sa pungsod bangud nagapati ini nga safe pa ang ila mga areas.
