Gina-imbestigaran karon sa Russia ang ginatawag nga “black widow” scheme, sa diin pila ka mga babayi ang ginapatihan nagapakasal sa mga suldado nga ginapadala sa gyera sa Ukraine agud makuha ang minilyon nga kompensasyon pananglitan mapatay ang ila bana.
Nagadangat sa five tubtob eight million rubles ukon kapin P5 million ang death compensation para sa pamilya sang mga napatay nga mga suldado.
Isa ka halimbawa ang istorya sang 37-anyos nga si Maria sang St. Petesburg, nga wala nakahibalo nga nagpakasal ang iya amay sa isa ka 22-anyos nga babayi antes ini ginpadala sa front line.
Sang nagtaliwan ang amay sini, ang bag-o nga asawa ang gin-alegar nagbaton sang kompensasyon.
May mga alegasyon man nga pila sa mga personnel sa militar ang nagakunsabohay sa kaangay nga plano.
Sa Primorsky Krai, isa ka warrant officer, sarhento, kag military accountant ang napaidalom sa imbestigasyon bangud sa gin-alegar pagpang-recruit sang mga lalaki, pagplastar sang ila mga kasal, kag pagpadala sa ila sa mga misyon.
Apang, indi tanan nga nakabaton sang kompensasyon ang nagakahulugan nga kabahin sang pagpangdaya, kag ang mga alegasyon ang kinahanglan suportado sang mga ebidensya
