Pagpakigbato sa disinformation kag fake news ang moderno nga dapat pangatubangon suno kay Bacolod City Lone District Congressman Greg Gasataya.
Ginsaulog ang ika-83 nga Araw ng Kagitingan sa Bacolod City Public Plaza kaina alas-7:00 sang aga.
Ini ang may tema nga “Kabayanihan ng Beterano: Sandigan ng Kaunlaran ng Bagong Pilipinas.”
Sa speech ni Gasataya, ang tuigan nga selebrasyon ang ginahimo agud dumdumon kag pasalamatan ang mga war veterans.
Suno diri, apisar nga naganubo ang numero sang mga veterans nga nagatambong kada tuig, nagasaka naman ang pagtahod sa mga ini tubtob sa masunod nga henerasyon.
Pahayag ni Gasataya nga sa moderno nga panahon, ang pagpanghangkat ang indi lamang foreign invasion kasubong man domestic invasion.
Suno diri, kaangay sa kabaskog sa paggamit sang armas luthang kasubong man ang kasupog sang teknolohiya.
Panawagan sini nga pakigbatuan ang false information kag misinformation ukon mga trolls nga nagapang-atake nationwide.
Hangkat sini nga panilagan ang mga nagakatabo sa palibot, kag indi pahanugutan nga maguba ukon maagaw ang fredom sa pag-express sang kaugalingon kag paghibalo sa husto kag sala.
