Aminado si Dumaguete City Mayor Felipe Antonio Remollo nga nagacontribute sa kahadlok sang mga pumuluyo sa Negros Oriental ang mga pamahog nga ginabuy-an sang ginatudlo nga mastermind sa Degamo assassination batok sa mga opisyales sang gobyerno.
Suno kay Remollo, wala diri sa Pilipinas ang prime suspect sa Degamo assassination.
Ginachallenge naman sang prime suspect ang mga ahensya sang gobyerno nga may kaangtanan sa pag-uyat sang kaso.
Sang damlag lang, ginhangkat sini si President Bongbong Marcos angot sa shabuyas kag iban pa nga mga alegasyon batok sa alter ego sang presidente.
Bangud sini, nagakahangawa ang mga pumuluyo sa Negros Oriental nga masarangan sang prime suspect ang ordinaryo nga mga tawo bangud masarangan sini ang presidente.
Bilang abugado, nagapati si Remollo nga kinamatarong ni Congressman Arnie Teves ang iya ginahimo sa social media apang isa ini ka unique actor nga nagahimo sang psy-war sa gobyerno.
Suno diri, kun ginapahog ni Teves ang yara sa gobyerno, mahadlok man diri ang ordinaryo nga mga pumuluyo.
Suno kay Remollo, may psychological effect sa mga taga-Negros Oriental ang natabo gani mahadlukan sila nga magpadalagan kag magboto.
Suno diri, personalan ang eleksyon sa barangay bangud pinamilya ang away diri gani indi malikawan ang collateral damage.
Nagapati si Remollo nga maganubo ang voters turnout kasunod sang Degamo assassination bangud wala pa nakagwa sa Negros Oriental ang mga assassins.
Suno sa local chief executive, kun tapos na ang eleksyon sa iban nga bahin sang Pilipinas, matutukan sang AFP kag PNP ang Negros Oriental.
