Ang pagpamalabag sang mga miyembro sang Kingdom of Jesus Crist (KOJC) ang makabig nga pinakadako nga challege para sa operasyon sang mga kapulisan sa Davao.
Sa interview sang Bombo Radyo Bacolod kay Special Task Group Teknon Alpha Spkesperson Police Brig Gen Roderick Augustos Alba, tuman man ang paghalong sang mga kapulisan nga indi madisturbo ang regular nga pagpangabuhi sang mga yara sa compound kaangay sang mga naga-eskwela ukon ang pagpanimbahon.
Apang ang nagahatag sang kabudlayan sa operasyon amo ang pagpamalabag sang mga KOJC members kun sa diin 64 ka mga kapulisan na ang nasamaran kag may-ara man sang mga nagapanghaboy sang bottles nga may-unod nga ihi.
Paathag ni Alba nga apisar sini, nagapabilin nga ginapauna sang mga kapulisan ang maximum tolerance.
Dugang pa ni Alba nga kapulisan man ang una nga nagresponder sa napatay nga KOJC member kun sa diin natumod sang medical team nga ini ang pila na ka adlaw nga nagabantay sa watch tower kag ini ang nacardiac arrest bangod sa kakapoy.
Pahayag sini nga ginbalabagan pa sang mga KOJC members ang ambulansya nga magarescue kuntani sa biktima.
Luyag sang mga ini nga matadlong ang mga fake news nga nagagwa nga nagatudlo nga kapulisan ang may sala sa kamatayon sang biktima.
