![](https://img.bomboradyo.com/bacolod/2019/11/Pagpamatok-sang-Senado-sa-sugar-import-liberalization-welcome-sa-SSIM.jpg)
Welcome sa Save the Sugar Industry Movement ang pagpamatok sang senado sa plano sang administrasyon nga iliberalize ang sugar imports.
Kahapon , gin-adopt sang senado ang Senate Resolution 213 nga nagahingyo sa administrasyon nga indi pagdayunon ang sugar import liberalization bangud dako ang mangin epekto sini sa sugar industry kag ekonomiya sang Pilipinas.
Suno sa resolusyon, ang pagsulod sang imported nga kalamay sa pungsod ang makahalit sa 84,000 nga mga small farmers kag agrarian reform beneficiaries kag may yara man sang 17,000 nga mga industrial workers, 840,000 sa Region 6 kag 5 ka milyon nga mamumugon sa bilog nga pungsod nga madulaan sang pangabuhian kun ini ang matigayon.
Sa interview sang Bombo Radyo Bacolod kay Winnie Sancho, Convernor sang SAVE-SIM, ginpahayag sini nga dako nga halit sa ekonomiya sang pungsod kun magcollapse ang sugar industry.
Sa piyak sang senate resolution 213, aminado si Sancho nga indi matakos ang paminsaron sang economic managers kag sang Presidente kaangay sang natabo sa Rice Tariffication Law.// Bangud sini, dapat nga mangin mabinantayanon ang mga Pilipino tuhoy sa isyu sa kalamay.