Tinguhaan sang Bacolod City Government nga mapanagtag ang libre nga school supplies antes matapos ang bulan sang Hunyo.
Madumduman nga una na nga nagpromisa sanday Bacolod City Mayor kag Congressman-elect Alfredo “Albee” Benitez kag Congressman kag Mayor-elect Greg Gasataya nga ipanagtag ang school supplies para sa kindergarted kag elementary pupils kadungan sa Brigada Ekwela.
Sa interview sang Bombo Radyo Bacolod kay Councilor Al Victor Espino, chairperson sa Committee on Education sa Sangguniang Panlungsod, nagapangayo ini sang pasaylo nga wala matuman ang nangin promisa.
Paathag sini nga bangod sa hinali nga mga pagbag-o sa procurement law, gani ang il nga bidding documents nga naproseso ang wala na nagasanto.
Sa pagsapol sang Local School Board, gintalakay man ang problema, kag ginatinguhaan nga mapadasig ang proseso kag makapanagtag antes matapos ang bulan sang Hunyo.
Suno kay Espino, ginlibot sini ang iban nga local government units kag nakita sini nga ang daan pa nga procurement law ang gingamit.
Gani tinguhaan sini nga makahinun-anon si Atty Pauyon, ang Bids and Awards Committee Chairperson bwas agud maayo kun sarang magamit anay ang daan nga procurement law.
Panindugan sini nga indi dapat mabalabagan ang mga programa lokal ilabi na nga wala pa gid masuguran ang implementasyon sang bag-o nga national procurement law.
