Ginpahayag sang chairperson sang Committee on Education sang Sangguniang Panlungsod nga may yara sang delay ang pagpanagtag sang libre nga school supplies halin sa Bacolod City Government kag indi na mahingaw antes ang abre klase.
Sa interview sang Bombo Radyo Bacolod kay Bacolod City Councilor Al Victor Espino, may yara sang bag-o nga Implementing Rules and Regulation (IRR) para sa bag-o nga procurement law nga ginpapanaog sang Government Procurement Policy Board (GPPB).
Suno kay Espino, magapatigayon sila sang local school board meeting subong nga adlaw agud mafinalize kun ano bala nga petsa mapatigayon ang distribusyon.
Apang ginasiguro sini nga indi na ini malab-ot pa sa Hulyo.
Samtang nahibaluan nga ang budget sang nasambit nga programa nga nagdangat sa P32 million kag ang maka-avail nga mga kabataan nga ang yara sa Kinder tubtob Grade 6.
