Ipanagtag na bwas ang libre nga school supplies para sa mga kinder kag elementary pupils sa Bacolod City.
Sa interview sang Bombo Radyo Bacolod kay Councilor Al Victor Espino, chairperson sang Committee on Transportation, idul-ong ang school supplies bwas sa activity center sang Bacolod City National High School.
Aminado si Espino nga late na ang pagpanagtag apang suno diri “better late than never,” kag seguruhon nila nga mapatemprano na sa masunod nga school year.
Nahibaluan nga ang paghatag sang libre nga school supplies ang may orihinal nga budget nga P15 million apang napasaka sa P32 million gikan sa Special Education Fund.
Ang pagpanghatag ang amat-amat naman nga himuon per district sa pagpanguna nila ni Mayor Greg Gasataya.
Suno kay Espino, maga-una sila sa distribusyon bwas sa District 1 kaangay sa Andres Bonifacio Elementary School 1 and 2, Banago Elementary School 1 and 2, Mandalagan Elementary School kag Abcasa Elementary School.
Nagalaom si Espino nga matapos ang pagpanghatag sang libre nga school supplies sa subong nga semana.
