Pagpanglimpyo lang ayhan ang sarang nga himuon sang isa ka vacuum?
Ukon sarang man ini mangin saksi sang mga nagahimo sang kamalamalahan?
Isa ka lalaki sa Taiwan ang nag-file sang kaso batok sa iya asawa kag sa gin-alegar third party sa ila nga relasyon, matapos sini madakpan ang duha sa ila mismo nga balay-bakasyunan.
Natukiban sang bana ang pagtraydor sang aksidente sini nga makita sa camera sang ila nga robot vacuum ang iya asawa kaupod ang isa ka lalaki.
Sa baylo nga gilayon nga i-kompronta, ginpadayon sini ang pag-record agud makakuha sang supisyente nga ebidensya.
Bangud sini, nagdaug ang bana sa kaso kag ginpatawan ang asawa kag ang kirido sini sang multa nga 500,000 NT dollars ukon masobra P980,000.
Apang, nag-file sang counter-lawsuit ang iya asawa bangud sa patago nga pagre-record.
Santo sa korte, indi supisyente nga rason ang cheating agud isikway ang kinamatarong sang isa ka indibidwal nahanungod sa privacy.
Sa ulihi, ginpatawan ang bana sang penalidad nga lima ka bulan nga pagkapriso kag multa nga 150,000 NT dollars ukon halos P300,000 bangud sa pag-record nga wala sang consent.
