Ginakabig sang program head sang ECE Department sang Technological University of the Philippines (TUP) Visayas nga history in the making ang pagnumber sang isa sa ila nga mga estudyante sa Electronics Engineers Licensure Examination 2024 sa bug-os nga Pilipinas.
Sa interview sang Bombo Radyo Bacolod kay Engineer Renato Deldo, ang tanan ang nagaselebrar bangud nga nagnumber 1 sa Top knotchers sa nasambit nga pasinawan si Engr. Niele Shem Bañas.
Suno kay Deldo, nakahambal na nga daan si Bañas nga mangin isa ini sa mga Top notchers.
Suno diri, sang nag gwa ang resulta sang nasambit nga licensure examination, nagpustahanay pa ang faculty sang ECE Department sang TUP-Visayas kun ano nga number si Shem sa mga Top notchers.
Suno sa program head sang ECE Department, nakilala lamang nila si Bañas sang nagface-to-face classes na ang mga ini bangud sang tion nga nagsulod ang mga ini sa TUP-Visayas nakaonline lamang sila bangud sa pandemic.
Suno kay Deldo si Bañas ang hipuson, maalam kag ini ang sahi sang tawo nga makuha niya kun ano luyag sini.
Suno pa diri, performing gid man nga estudyante si Bañas.
Ginpahayag man sini nga ang advantage ni Bañas, matapos nga ini ang nagnumber 1 ini sa licensure exam, amo ang madamo nga mga kompaniya, academe kag mga review center.
Nagpanugyan man ini sa mga wala pa nakapasar nga may tion nga gintalana para sa tanan nga makapasar sa licensure exam kag wala man sang limit ang pagkuha sini.
