Indi pa matumod sang fire investigators sang Bacolod City Fire Station kun arson gid man ang natabo, matapos ginsunog sang 30 anyos nga lalaki ang ila balay sa Purok Paho, Barangay Handumanan, Bacolod City sang Miyerkules sang udto.
Madumduman nga kalakip ang 22 ka unit sang computer unit sa mga natupok sang kalayo matapos ginsunog sang 30 anyos nga lalaki ang balay sini.
Sa interview sang Bombo Radyo Bacolod kay Fire Chief Investigator Fire Officer 2 Rolin Paulan, nagkuha na ang mga ini sang sample sa nasunugan agud nga mahibaluan kun ini ang matuod ang gina-alegar nga arson.
Suno kay Paulan nagahulat pa sila sang possible nga witness kag complainant.
Ginahulat man sang mga fire investigators ang desisyon sang pamilya kag nagapadayon man ang ila imbestigasyon sa gina-alegar arson case.
