Ginpahayag sang political analysts sa ciudad sang Bacolod ang mga pumuluyo sa ciudad ang nagapasalamat sa karun bangud nga nakapauli na sa Pilipinas si Mary Jane Veloso.
Suno kay Atty Jomax Ortiz, in fairness man sa iban nga nag-agi nga presidente sang Pilipinas nga nagtinguha man agud nga makuha si Mary Jane Veloso apang nation nga si President Marcos Jr ang nakatigayon nga mapapauli ini sa Pilipinas.
Suno kay Ortiz, ang estado sa karun ni Veloso ang convict gihapon kag maswerte lamang nga wala na sang death penalty sa Pilipinas bangud ginkakas na ini sadto sa administrasyon ni anay President Gloria Macapagal Arroyo.
Ginpahayag man sang abugado nga kun reviewhon ang record ni Mary Jane Veloso, wala ini kaintsindi kag indi makahibalo sang isabat sa husgado antes pa man ini ginpamatbatan.
Suno kay Ortiz, ang pagpauli ni Veloso ang nakahimo sang dako nga puntos para kay President Ferdinand Marcos Jr ilabi na karun nga kun lantawon sa survey, manubo na ang pagsalig sa mga pumuluyo.
Madumduman nga si Veloso ang gin-aresto kag ginsentensyahan sang kamatayon sang 2010 matapos nadakpan nga may unod nga iligal nga droga ang iya luggage.
Ginpanindugan naman sini nga biktima lamang siya sa amo nga sirkumstansya.
Sang 2015, nakaluwas siya sa death sentence matapos naaresto ang iya recruiter.
Nagpanugyan man si Ortiz sa mga travellers nga indi gid magpasugot sa mga pasabay bangud ini ang modus sang mga sindikato nga magtransmit sang mga illegal nga druga.
