Pagparehistro para sa palaabuton nga Mid-term Election, maga-umpisa na sa Pebrero

Maga-umpisa na sa Pebrero kag magalawig tubtob Setyembre ang pagparegister para sa pala-abuton nga Mid-term Election sa masunod nga tuig.

Suno kay Provincial Election Supervisor Ian Lee Ananoria, maga-umpisa na sa masunod nga bulan ang nationwide nga pagpatigayon sang pagparehistro para makaboto sa Mid-term Election sa masunod nga tuig.

Suno diri, ini magadugay tubtob sa Setyembre kag bulan sang Oktubre naman, ang natalana nga tion para magfile sang Certificate of Candidacy sa luyag nga magpapili sa 2025 mid term election.

Sa may luyag nga magpa-ilis sang ila status ukon may ipa-correct sa ila nga pangalan, mahimo nga makapalapit kag magprocess sa tagsa ka COMELEC sang mga ciudad kag banwa.