Nagalaom ang Taxi Operators of Negros Occidental (Tono) sa pagsaka sa flag down sang Taxi bangod sa malala nga epekto sang nagasaka nga presyo sang gatong, pandemya kag dyutay nga pasahero.
Sa interview sang Bombo Radyo kay Benjie Samillano, auditor sang TONO, wala sang mga ini ginapaburan ang pagpasaka sang presyo sang gatong bangud maninit man ang pasahero kag nagadangat na lamang sa P300 tubtob P500 ang maincome sang mga driver sa isa ka gab-i.
Suno diri sa pagsaka sang presyo sang gatong , una nga maapektuhan ang income sang mga driver.
Aminado man ini nga tuman ka dako ang nangin epekto sang price increase sang gasolina sa operasyon sang taxi.
Bangud sini ginaduso na sang mga taxi drivers nga may pagsaka sa flag down nga P10 agud makadugang man sa ila nga income sa driversm, apang wala man nila ini ginapaburan bangud indi man nila luyag nga ipasa sa riding public ang kabudlayan.
Suno diri kabug-at na sa mga pasahero ang ginaduso nga dugang nga P10 sa flag down kag ginalauman naman nga madamo ang madula nga pasahero, bangud kalabanan sa mga ini ang indi na magsakay tuga sang pagmahal sang pletehan.
Suno kay Samillano, panilagan pa nila ang sitwasyon sa sulod sang duha ka semana kag magadesisyon sa pagpasaka sang flagdown sa taxi bangud sa ginalantaw man nila nga madulaan man sila sang pasahero kag indi na makabiyahe ang units kun ini ang matigayon.
