Ginkwestyon sang secretary general sang General Alliance of Workers Association (GAWA) ang gin-aprubahan nga desisyon sa pagpasaka sang sweldo sang supervisors kag confidential employees sang Central Negros Electric Cooperative (Ceneco).
Sa interview sang Bombo Radyo kay Wennie Sancho, ginakabig sini nga isa ka diskrimanasyon ang desisyon para sa mga nagatrabaho sang husto apang wala sang pagsaka sa sweldo.
Suno diri, kun sarang nga pasakaan ang sweldo sang mga supervisors, iya ginkwestyon kun ngaa madamo sang transfromer ang nagalupok, madamo sang poste ang nagahilay kag mga spaghetti wires nga tubtob sa krun wala nahimos.
Pahayag ni Sancho, kinahanglan i-evaluate ang Technical Financial sang CENECO nga madugay na sini ginapangyo kasubong man nga ginahingyo sini nga ipahibalo sa mga consumers ang peformance evaluation sang ahenysa.
Dugang pa niya, nga sa karun nga dako ang utang sang CENECO sa bangko kag mga supplier, indi isa ka ordinaryo nga butang nga sarang pa pasakaan ang sweldo sang mga supervisors.
Sa karun nagaplano ini nga magsulat sa CENECO kag mangayo sang dokumento angot sa financial status sini ilabi na nga suno sa iya ang sweldo sang mga ini ang wala sang nagakaigo nga serbisyo.
