Ginaduso sang Local Government Unit sang ciudad sang Bacolod ang pagpasaka sang penalidad sa mga nagapangayo-kayo kag nagahatag sang kwarta sa mga badjao.
Suno kay Bacolod City Councilor Israel Salanga, Chairperson sang Committee on Social Services, ginatipon anay ang mga madakpan nga badjao antes sila papaulion sa ila lugar.
Suno diri, ginamonitor na ang mga grupo sang badjao kag iban sa ila na-identify na.
Suno sa konsehal, makapila na ka beses natabo nga ginatipon ang mga badjao kag ginapapauli sa ila lugar apang sa karun liwat naman sila nga nagdamo sa ciudad kag iban diri nagapang-abusar pa.
Pahayag ni Salanga, ginaduso sa karun nga pasakaan ang multa sa mga napangayo-kayo halin sa P200 himoon nga P1,000.
Samtang pasakaan man ang multa sa mga nagahatag sang kwarta sa mga badjao sa P500.
Gin-athag man sini nga pwede maghatag sang pagkaon sa mga nagapangayo-kayo basta indi lang sang kwarta.
