Ginmando ni President Ferdinand Marcos Jr. ang pagpasanyog pa sang kampanya sa pagtinlo sang mga drainage kag alagyan sang tubig bilang kabahin sang Oplan Kontra Baha agud mabuhinan ang pagbaha sa mga ciudad sa pungsod.
Ginhighlight sang Presidente nga importante nga matinluan ang tanan nga drainage agud mangin maayo kag tayuyon ang flow sang tubig kag indi maguba ang duta.
Suno diri, indi ini ulubrahon nga kaisa lamahg ginahimo kundi dapat nga consistent.
Dugang pa sang Presidente, padalumon pa tubtob sa 10 feet ukon tatlo ka metro ang pagkutkot sa pila ka bahin sang mga drainage nga tuman na ka nubo.
Ang una nga bahin sang programa ang magapadayon tubtob sa Hunyo apang nagpasalig si Marcos nga apisar nga matapos na ang nasambit nga tiyempo, mangin regular ini nga aktibidad sang gobyerno.
