Welcome para sa Pilipinas ang pagpasulod sang agricultural products halin sa Cambodia sa tuyo nga mapabakod ang food supply kag trading sa tunga sang duha ka pungsod.
Madumduman nga nagbyahe padulong sa Cambodia si President Ferdinand Marcos Jr para sa state visit kag sa bilateral meeting nga ginpatigayon kaupod si Cambodian Minister of Agriculture, Forestry and Fisheries Dith Tina, suno kay Department of Agriculture (DA) Secretary Francisco Tiu Laurel Jr., naesturyahan ang pagpabakod sa agricultural trade, food security kag market access sa mga farm products.
Positibo ang Cambodia nga mangin masanyog ang pagpadala sini sang premium aromatic rice sa Pilipinas, samtang ginalauman man sang Pilipinas ang pag-abot sang Cambodian products kaangay sang bugas, isda, karne kag utanon nga makabulig sa nagasaka nga demand sa Pilipinas kadungan sa pagdako sang populasyon.
Mahibaluan nga sang Pebrero nagperma sa memorandum of understanding on agricultural and agribusiness cooperation ang Pilipinas kag Cambodia sa ginpatigayon nga state visit ni Cambodian Prime Minister Hun Manet sa Manila.
