Ginalantaw nga rason sa pagpatay sa conservative activist nga si Charlie Kirk amo ang political views sini sa pagsuporta kay US president Donald Trump kag sa Republican Party.
Sa interview sang Bombo Radyo kay Brandon Rubi, Bombo International News Correspondent derekta sa Utah, USA, gintiro si Kirk sa Setyembre 10 samtang nagahatag sang speech sa Utah Valley University.
Suno diri, sang natabo ang insidente may namangkot kay Kirk kun ano ang iya mahambal angot sa mass shooting sa US kag amo na nga gintiro siya.
Suno kay Rubi, may yara sang political tensyon sa tunga sang Democrats kag Republican bangod sa polisiya sang gobyerno.
Bangod suportado ni Kirk si Trump, may yara sang nagasunod sa iya political views apang may yara man sang wala nanamian.
Dugang pa sini madamo sang nagahambal nga political assassination ang natabo apang wala pa gid sang may napagwa nga impormasyon ang Federal Bureau of Investigation kun ano gid ang rason sa pagpatay kay Kirk.
Samtang, may yara sang gindakop nga persona inoras matapos matabo ang shooting apang ginrelease man ini matapos ang interrogation.
Pahayag ni Rubi, sa Utah tuman ka halog sang layi angot sa armas-luthang kag halos kada panimalay didto may yara sang mga pusil.
