Ginadumili sang Department of Education ang pagpatigayon sang mga graduation ball ukon after party sa eskwelahan pagkatapos sang Graduation Ceremony.
Suno kay Lila Aro sang Dep-ed School Governance Operations Division, mas maayo nga dal-on sang mga ginikanan ang ila mga kabataan pauli sa ila mga balay pagkatapos sang graduation ceremony kag sila na lamang ang magaselebrar kaupod ang pamilya.
Suno kay Aro, wala na sang party sa eskwelahan ukon graduation ball sa iban pa nga venues kag dapat magdiretso pauli ang mga ini.
Ang mga manunudlo kag staff naman ang magapanghimos sa venues.
Panugyan sini sa mga ginikanan nga indi magpati sa ila bata kun maghambal ini nga may party sa eskwelahan bangud wala ini ginapahanugutan sang buluthuan.
Samtang, indi naman mag-invite sang mga politiko ang DepEd bilang guest ukon speaker sa graduation.
Suno kay Aro, nagahilapit sa karun ang Barangay and Sangguniang Kabataan Elections kag santo sa ila guidelines, ginadumilian ang pag-invite sa mga ini agud malikawan nga mahimo ini nga platform sa pagpangampanya
