Nangin matawhay ang pagpatigayon sang mass testing sa banwa sang Murcia kahapon sa idalum sang “O-Plan: One-Time Bigtime” program sang Provincial Government sang Negros Occidental.
Sa interview sang Bombo Radyo Bacolod kay P/Major Robert Dejucos, hepe sang Murcia Municipal Police Station, well-accomplished kag wala sang ano man nga insidente ang nagluntad sa lima ka mga cluster venues nga ginhiwatan sang mass testing.
Nahibaluan nga ang mass testing sa Murcia ang ginpatigayon sa Barangay Pandanon Silos, Barangay Lopez Jaena, Barangay Blumentritt, Barangay Alegria kag Poblacion Public Plaza.
Suno kay Dejucos, nagpahamtang ini sang 8-man team sa kada clusterkag sa border control point nga ginalakipan sang police personnel kag force multipliers.
Madumduman nga kabug-usan nga 436 specimens ang nakolekta sa banwa sang Murcia.
