Nangin malinong kag matawhay ang pagpatigayon sang Masskara Festival 2024 suno sa assessment sang Bacolod City Police Station 1.
Sa interview sang Bombo Radyo Bacolod kay Police Major Elmer Bonilla, Station Commander sang Bacolod City Police Station 1, natapos na ang Masskara Festival kag wala man sang recorded nga mga dalagko nga insidente nga may kaangtanan sa kapiyestahan.
Suno kay Bonilla, nangin madinalag-on ang pagpatigayon sang kapiyestahan kag napabilin sang mga kapulisan sa ciudad sang Bacolod kag mga augmentation nagikan sa iban nga police units sa Police Regional Office 6.
Ginpasalamatan man sini ang mga katapo sang Bureau of Fire Protection, Emergency Responders kag iban pa.
Suno sa commander sang Bacolod Police Station 1 nga may igadeploy sagihapon nga police personnel nga magabantay sa area of responsibility sang Police Station 1.
Suno diri samtang may yara pa sang festival goers may yara sang mga kapulisan nga magabantay ilabi na nga gin-extend ang pagbaligya sang mga kiosko nga nahamtang sa Bacolod City Public Plaza, Upper East kag Bacolod City Government Center.
