Ginakalipay sang business sector ang plano sang Bacolod City government nga patigayunon na ang MassKara Festival sa bulan sang Oktubre, duha ka tuig matapos nga ini ang ginpaiway bangud sa COVID pandemic.
Santo sa nauna nga announcement ni Bacolod City Mayor Alfredo Benitez, 200, 000 ka mga turista ang ginatarget nga makabisita sa ciudad kadungan sang 43rd MassKara Festival subong nga tuig.
Ginasuguran naman sa karon ang planning para sa nasambit nga festival.
Suno kay Frank Carbon, chief executive officer sang Metro Bacolod Chamber of Commerce and Industry, ang MassKara Festival ang maayo para sa negosyo sa ciudad.
Suno diri, magacirculate ang kwarta kun may yara sang festival.
Apang nagalaom si Carbon nga magapabilin ang COVID status sa Alert Level 1 agud nga wala sang kahangaw-an.
Madumduman nga sang tuig 2020 kag 2021, wala ginpatigayon ang MassKara Festival bangud sa COVID pandemic.
