Nangin madinalag-on ang pagpatigayon sang 38th Negros Trade Fair sa ciudad sang Makati humalin sang Setyembre 16.
Gintambongan ni Negros Occidental Governor Eugenio Jose ‘Bong’ Lacson, Vice Governor Jeffrey Ferrer kag Former President Gloria Macapagal Arroyo ang opening sang trade fair.
Suno kay Arlene Infante, presidente sang Association of Negros Producer, madamo sang naingganyo nga costumers ang nagkalain-lain nga produkto nagikan sa probinsya.
Kabalanan sa mga ginbakal amo ang mga pagkaon kun sa diin may yara sang nasold-out nga mga baligya kag liwat naman nga nag-order sang stocks gikan diri sa probinsya.
Suno kay Infante, sa una pa lamang nga adlaw sang trade nagdangat na sa P9.9 million ang sales kag ginalauman sini nga mas mataas pa sangsa nakaligad nag tuig ang kabilogan nga total sang sales sa katapusan sang trade fair sa Setyembre 22.
Mahibaluan nga ang total revunue sang nakaligad nga tuig nga trade fair ang nagdangat sa masobra P43 million.
