Gin-athag sang chairman sang ways and means committee sa Sangguniang Panlungsod sa ciudad sang Bacolod nga ang bulang lamang nga ginpatigayon sa lisensyado nga cockpit arena ang ginapasugtan sang ciudad.
Sa interview sang Bombo Radyo kay Councilor Vladimir Gonzales, kapin isa ka tuig na nga ginapatuman ang mga pabulang dapat patigayunon sa licensed cockpit arena santo sa mando ni Bacolod City Mayor Alfredo “Albee” Benitez agud malikawan ang iban nga mga sahi sang sugal.
Suno kay Gonzales, amo na ini ang ginasunod nga patakaran kag bisan magdirekta pa pangayo sang approval sa alkalde, indi man gihapon pag-aprubahan sang alkalde ang permit kun ini ang patigayunon sa barangay.
Suno sa konsehal, sa may luyag nga magpatigayon sang pabulang, magcomply lamang sang requirement bangud mahapos lamang ini.
Ginatugyan man sini sa mga kapulisan kag barangay ang pagdakop sa mga pumuluyo nga nagapatigayon sang illegal nga sugal.
