Nangin madinalag-on ang ginpatigayon nga simultaneous earthquake drill sa provincial capitol sang Negros Occidental.
Sa interview sang Bombo Radyo Bacolod kay Fire Chief Inspector Rodel Legaspi, nangin evaluator ini sa ginpatigayon nga simultaneous earthquake drill sang provincial government sang Negros Occidental nga ginpatigayon sang Provincial Disaster Management Program Division.
Office of the Fire Marshal
Negros Occidental
Suno kay Legaspi, over-all successful man matapos nga liwat nga ginpractice naman ini kasunod sang indi pagpatigayon sini sang pila man katuig bangud sa COVID-19 pandemic.
Suno sa acting provincial fire marshal sang Negros Occidental, nakita sini ang willingness sang tanan nga personnel sang provincial government sa pagpakigbahin sa nasambit nga aktibidad.
Office of the Fire Marshal
Negros Occidental
Nagalaom man si Legaspi nga magpadayon na ang pagpractice sa pagpatigayon sang simultaneous earthquake drills.
Suno pa diri, dako man ang mabulig sa mga personnel sa pagpatigayon sang nasambit nga aktibidad ilabi na sa mindset sang mga ini agud makahibalo kun ano ang himuon sa tion nga may yara sang magluntad nga insidente kaangay sang linog, apisar nga ginapangamuyuan man nga wala lang sang aksidente nga magluntad kaangay sini.
Suno kay Legaspi, kinahanglanmangin handa ukon preparado sa tanan nga tion gani kalakip sa ila kampanya ang pagpatigayon sang drills kag ini ang ginadala sa tanan nga banwa kag syudad sa probinsya ukon sa tagsa-tagsa nila ka area of responsibility.
Nagpanawagan man ini sa tanan nga mga pumuluyo nga updan ang pagpatigayon sang drills, earthquake man ukon sa fire bangud indi lamang ini para sa mga empleyado ukon sa opisina sang gobyerno, bangud sa drills ginatudluan kita kun ano ang himuon kag paano makasurvive sa tion nga matabo ang wala ginapangayo nga hitabo.
