Ginbawi ni US President Donald Trump ang nauna sini nga plano nga magpatuman sang 20 percent fee sa tanan nga cargo ship nga maga-agi sa Strait of Hormuz, isa sa pinaka-importante nga ruta sang global oil trade.
Sa baylo, ginpahayag ni Trump nga ipabilin ang naval blockade sa mga barko nga padulong ukon naggikan sa Iranian ports, ukon mga kargamento nga may kaangtanan sa Iran.
Suno kay Trump, sa baylo nga manukot sang 20 percent fee, pagatutukan sang Estados Unidos ang paghimo sang dalagko nga kasugtanan sa trade and investment deals sa mga pungsod sa Gulf.
Ginpamatukan sang mga mamalidha kag mga kaalyado nga pungsod ang una nga proposal ni Trump partikular ang United Kingdom, nga nagpahayag nga dapat mapabilin nga hilway ang pagbyahe sa Strait of Hormuz.
