Ginatun-an pa sang Bacolod City Government kun magapatuman sila sang 4 day workweek.
Madumduman nga nagpagwa san memorandum ang Office of the President sa pagpatuman sang 4 day workweek sa mga opisina sang gobyerno.
Sa interview sang Bombo Radyo Bacolod kay Bacolod City Mayor Greg Gasataya, ginatun-an pa nila ang paghimo sang working days sa apat ka adlaw sa isa ka semana kag dugangan lamang ang oras sang pagtrabaho.
Suno kay Gasataya, ginakonsiderar man nila ang pagpatuman sini sa mga empleyado sang Bacolod City Government.
Suno sa alkalde, magahimo siya sang memorandum nga ipatuman ang 4 day workweek sa Bacolod City Government employees magluwas lamang sa naga-deliver sang basic services sa ciudad.
Madamo man sila sang naestoryahan sa ginpatigayon nga meeting kag pila diri ang epekto sa ekonomiya, posibility sa pagsaka sang gatong kag kuryente.
Suno sa alkalde bukas ang ciudad sa pagpatuman sang kaangay nga working arrangement.
