Gintawag nga ‘invalid ukon unenforceable’ sang chairperson sang Commission on Transportation and Traffic sa Bacolod City Council (BTAC) ang pagpatuman sang experimental vehicle parking sa Dalan Lacson.
Sa interview sang Bombo Radyo Bacolod kay Councilor Al Victor Espino, sa opinyon sini, ang Experimental Vehicle Parking ang mapatuman lamang sang Sangguniang Panlungsod.
Apang humalin sang Lunes, ginlunsyar sang Bacolod Traffice Authority Council ang 45-days Experimental Vehicle Parking halin alas-7:00 sang gab-i tubtob alas-5:00 sang kaagahon, Lunes tubtob Biyernes, samtang bilog nga adlaw naman kun Sabado tubtob Domingo.
Pahanumdom ni Espino nga recommending body lamang ang BTAC kag ang SP amo ang ma-aprubar sang resolusyon.
Apang panindugan sini nga sila ang indi mag-aprubar sang lihok nga wala man napaathag sa ila.
Gani panawagan sini nga ipresentar sa Sangguniang Panlungsod ang kaundan sang programa kalakip na ang adjustment sa Car Free Sunday nga ginapatuman sang alkalde.
