Nagkoordinar na ang Bacolod City Government sa Bacolod City Police Office agud striktuhon ang pagdesignate sang firecrackers kag fireworks display area sa mga barangay sa ciudad.
Sa interview sang Bombo Radyo Bacolod kay Secretary to the Mayor Atty Marty Go, may yara sang firecrackers kag fireworks designated display areas ang kada brgy kun diin mahimo makapalupok sang palupok ang mga tawo.
Suno diri, nagtukod sang ‘Oplan Sita’ ang BCPO nga amo ang magalibot sa ciudad agud sitaon ang mga nagapalupok sa indi insakto nga lugar ilabi na sa dalanon.
Ang madakpan ang sitaon apang mahimo man nga mamultahan.
Pahayag ni Go, indi lamang sa adlaw mismo sang New Year nagapalupok ang mga tawo apang bisan nagahilapit pa lang ang selebrasyon madamo na sang nagapalupok kag iban ang nagagamit sang ‘boga’ nga isa ka improvised firecrackers nga delikado sa mga kabataan.
