Ginbawi ni South Korean President Yoon Suk Yeol ang deklarasyon sini sang Martial law.
Ini kasunod sang pagsumiter sang motion sang South Korean parliament sa ginpatigayon nga National Assembly, nga nagapanawagan sa pagbawi sang Martial Law declaration.
Si Yoon ang gilayon man nga nagsabat sa desisyon sang mga mamalidha kag gilayon sini nga ginmando sa mga militar nga magbalik na sa ila kampo.
Nahibaluan nga ang Martial Law declaration ang mabawi lamang paagi sa pagpatigayon sang meeting sang State Council ukon Gabinete.
Ang pagtililipon ang ginpatigayon naman subong nga aga sang State Council kag kinahanglan lamang sang quorum ukon nagakadapat nga numero sang boto agud maaprubahan ang resolusyon.
Nanawagan man ini sa National Assembly nga untaton na ang wala sang pulos nga tikang kasubong man ang makapila na nga panawagan sang impeachment, legislative manipulations kag budget manipulation nga nagapalala pa sa sitwasyon sang South Korea.
