Preparado na ang Department of Agriculture para magrekomenda sang price freeze sa basic goods kaangay sa agri-fishery products pananglitan nga kinahanglan bangod sa bagyo Opong.
Suno kay Assistant Secretary Genevieve Velicaria Guevarra, nagapreparar na ang ahensya para sa halit nga tuga sang bagyo.
Suno diri, padayon ang ila monitoring sa presyo sang mga balaklon kag kun kinahanglan man ang price freeze matapos ang kalamidad, i-implementa nila ini agud indi ma-abusar ang pagbutang sang presyo.
Ang price freeze masami nga ginapatuman matapos ang paglabay sang bagyo kun sa diin nagasaka ang presyo sang mga balaklon nga amo nagatulod sa pagsaka sang inflation rate sang pungsod, apang aminado ini nga may yara gid man sang pagsaka sang presyo bangod sa malain nga tyempo.
