Ginpahayag sang gobernador sang Negros Occidental nga indi derekta nga makaapekto sa ekonomiya sang probinsya ang pagpatuman ni US president Donald Trump sang mas mataas nga taripa.
Sa karun, gin-hold ni Trump sa sulod sang 60 dias ang pagpatuman sini sang mataas nga taripa.
Suno kay governor Eugenio Jose ‘Bong’ Lacson, bilang agriculture based province, nagapanguna nga gina-export sang probinsya amo ang kalamay.
Suno diri, wala sang derekta nga epekto ang mataas nga taripa sang Estados Unidos bangod wala man naga-export ang probinsya sang produkto sa US kag ang produksyon ang saktohan lamang para sa local consumption.
Dugang pa ni Lacson, kun ikumpara sa iban nga pungsod sa Asya, manubo ang gindagdag nga taripa sang US sa Pilipinas nga suno sa gobernador, posible ini bangod sa maayo nga relasyon sang duha ka pungsod sa isa kag isa.
