Ginsuspende sang National Task Force Against COVID-19 sini nga Domingo ang pagbalik sang mga locally stranded individuals (LSIs) sa mga probinsya sang Negros Occidental kag Iloilo agud nga matapna ang paglapta sang balatian sa lugar.
Gin-aprobahan ni NTF Chairman and Defense Secretary Delfin Lorenzana ang 14 ka adlaw nga ban sa pagbalik sang mga LSI sa duha ka probinsya, santo sa request sang mga local government officials.
Suno kay Lorenzana, dapat nga maghulat nalang ang mga LSI kag indi na anay magkadto sa mga airport kag seaport, tubtob maghatag na sang pahanugot ang mga LGU sa pagbaton sa ila.
Dugang pa sini nga ang problema sang mga LGU amo ang limitado nga quarantine facility kag indi sang mga ini luyag nga matambakan sang maga-abot nga LSI.
Suno kay Interior and Local Government Secretary Eduardo Año, naghingyo si Negros Occidental Governor Eugenio Jose Lacson sang suspensyon sa pagbalik sang mga LSI sa probinsya agud nga mahatagan pa ang mga lokal nga opisyales sang tiyempo nga magligwa na nga space sa mga napuno nga quarantine facilities.
Samtang sang tinalikdan nga Huwebes, Hunyo 25, gin ban ni Año ang mga LSI sa pagbalik sa Eastern Visayas region.
