Nagpagwa sang resolution order no. 95-A ang Regional Inter-Agency Task Force (RIATF) nga naga-aprubar sa request sang pagsuspende sa pagbalik sang mga overseas Filipino workers (OFWs) sa Disyembre 24, 25, 31, 2020 kag Enero 1, 2021.
Suno kay Vice Mayor El Cid Familiaran, pinuno sang Inter-Agency Task Force sa Bacolod, nagnubo na ang kaso sang COVID-19 samtang sang tinalikdan nga adlaw, nakarekord sang zero case nga nagapakita lang nga epektibo ang estratehiya sang emergency operations center.
Apang ang suspensyon sa pagsulod sang OFW ang ginpatigayon agud mahatagan sang ligwa ang mga medical personnel subong nga Paskwa kag New Year.
Magasugod naman subong nga adlaw ang moratorium para sa pagpauli sang mga locally stranded individuals tubtob Enero 3, 2021.
Bangod dira, sa paskwa kag bag-ong tuig, ang mga authorized person outside residence (APOR) nalang ang sarang nga makabyahe.
Nagdispatch naman ang EOC sang team nga magapahanumdom sa pagsunod sa health protocol sa mall.
Samtang nagbutang man si Bacolod City Police Office Director Col. Manuel Placido sang mga personnel nga magabantay sa Simbahan nahanungod sa pagpatigayon sang Simbang Gabi.
Nagpasalig naman ini nga nagalibot ang task force sa pagpanaway.
Ginapasalamatan naman ni Familiaran ang segi-segi nga pagpahanumdom sang Bombo Radyo Bacolod sa mga pumuluyo ang minimum health protocols bangod sa posibilidad nga makalipatan na nila ini sa tuman nga pagpangalipay.
Pasalig naman sang bise alkalde nga may field implementors nga ginhuman ang Emergency Operations Center (EOC), nga bisan tungang gab-i nagasige sa paglibot.
Ginkadto naman sang mga ini ang pila ka mga reklamo kaangay sang call center malapit sa old airport kag ang Yoyo Land Christmas Village kadungan sa mga gin-dispatch sa Christmas Bazaar kag Fruit Vendors.
