Natapos na sang Commission on Elections ang pagprint sang 68 million voter’s information sheets (VIS) para sa 2025 elections.
Sa data sang Comelec, nakaprint na ang National Printing Office (NPO) sang kabug-usan nga 68,431,965 VIS as of Friday, March 28, nga amu ang numero sang local registered voters para sa palaabuton nga May elections.
Ang VIS ang naga-unod sang voter’s name kag address, kasubong man instructions kag reminders kun paano maggamit sang balota.
Ang form ang ginalakipan man sang listahan sang national kag local candidates kag 155 party-lists para sa 2025 National and Local Eletions.
Target sang poll body nga mapanagtag ini sa bulan sang Abril.
Nagpahanumdum si Comelec chairperson George Garcia nga kinahanglan sa local Comelec office magagikan ang VIS kag indi sa barangay bangud wala ini ginapaagi diri.
