Nagatuga sang kahangawa ang pagpull-out ni President Donald Trump sang Amerika sa World Health Organization sa abilidad sang ahensya nga pakigbatuan ang mga balatian kag magresponde sa mga emergencies sa bilog nga kalibutan kun wala ang pinakadako sini nga funder.
Ang Estados Unidos ang nagacontribute sang 18 percent sang pondo para sa WHO, nga nagaatubang sa karun sang mga pagpanghangkat nga magtipon sang cash para sa health emergencies nagikan sa Gaza kag Ukraine.
Ang two-year budget sang ahensya para sa 2024-2025 ang yara sa 6.8 billion dollars.
Sa nasambit nga period, ang US ang nagpondo sang 75 percent sang programa sang WHO para sa HIV kag iban pa nga sexually transmitted kag masobra katunga sang contributions agud macombat ang tuberculosis.
Ang Estados Unidos sa karun amu ang top global health donor sa bilog nga kalibutan paagi sa paghatag sang 15.8 billion dollars sang 2022.
Si Trump ang nagaduha-duha natuhoy sa mga WHO-led negotiations para sa isa ka post-COVID pandemic agreement nga may tinutuyo nga i-improve ang global solidarity kun liwat nga mag-igo ang mga pagpamahog sa ikaayong lawas.
Suno sa kaalyado ni Trump kag bilyonaryo nga si Elon Musk, indi dapat mag-cede sang authority ang mga nasyon sa WHO kag pagauntaton sang US ang mga negosasyon sini sa treaty samtang nagaproceed ang withdrawal sini.
