Welcome para sa Metro Bacolod Chamber of Commerce and Indutry (MBCCI) kasubong man sa Philippine Chamber of Commerce and Industry (PCCI) ang pag-appoint kay Ralph Recto bilang tiglikom sa Department of Finance (DOF).
Sa interview sang Bombo Radyo Bacolod kay Frank Carbon, chief executive officer sa MBCCI, apisar nga may kakibot man sila sa hinali nga pagbag-o sang Finance Secretary, apang ini ang madugay naman nga gina-estoryahan.
Paathag sini nga welcome development sa ila ang pagbaylo sang pamunuan para sa panibag-o nga approach kag perspective.
Suno diri, normal na nga ginarotate ang mga pamunuan samtang nagalain man ang mga ginapangatubang nga pagpanghangkat.
Suno diri, si Recto ang ginabatun sang business sector, kag pabor man sa iya ang mga senador kag kongresista.
Paathag sini nga mabudlayan sa paghulag ang business sektor nga wala ang bulig sang mga legislative department gani dako nga bagay nga malapit sa mga mamalidha si Recto.
Dugang pa sini nga bangod sa tuman na ka dako nga utang sang Pilipinas sa World Bank, kaangay nga kita ang indi na makabayad gani mabudlay naman para sa pungsod nga makaangkon sang dugang nga utang.
Bangod indi na makautang ang pungsod, maganubo man ang budget nga sarang magamit sa mga proyekto sang gobyerno, nga magatuga man agud nga magduhaduha sa pag-invest ang mga foreign invetors.
Suno kay Sancho, bangod sa nasambitan nga problema, dako nga butang nga ang focus ni Recto amo ang pagpasaka sang tax collection.
Pinaagi sa mas ginpadako nga income gikan sa taripa, sarang mapondohan ang mga programa sang gobyerno, partikular na ang paghatag sang subsidies nga nagadangat sa bilyon ka pesos ang ginagasto.
Nagalaom si Sancho nga makahatag sang maayo nga ideya si Recto nga makapasanyog pa sa ekonomiya sang pungsod.// Ginaduso man sini nga indi lang magfocus sa problema sa agricultural sector ang bag-o nga Finance Secretary kundi ideyahan man ang rural poverty.
Sa pihak nga bahin, gindayaw man ni House Deputy Minority Leader kag ACT Partylist Representative France Castro ang pagpungko ni Recto bilang Finance Secretary.// Nagalaom ang kongresista nga sa pagpungko ni Recto, magabag-o ang fiscal management sa pungsod kag maprioritize ang pagpasaka sa sweldo sang mga manunudlo.
Suno diri isa sa nagtatak nga ginfile nga hagna ni Recto amo ang pagpasaka sang sweldo sang government employees.// Nagalaom ini nga mapadayun sang opisyal ang hagna kag madayun na ang madugay na nga ginapanawagan sang mga manunudlo nga pagsaka sa sweldo.
