Ginpahayag sang political analyst nga dapat respetuhon ang desisyon sang mga tawo matapos nga nagdaog si Senator Rodante Marcoleta bilang senador kag sa karun siya ang ginbutang nga chairman sang Blue Ribbon Committee.
Sa interview sang Bombo Radyo Bacolod kay Atty. Jomax Ortiz, indi na dapat pagkwestyunon kun ngaa nga si Marcoleta ang ginbutang bilang chairman sang Senate blue ribbon committee bangud siya ang ginpili sang mga pumuluyo nga mangin isa ka senador.
Ginpahayag man sini nga ang blue ribbon committee ang in-charge sang public accountability kag investigation.
Gani ginalantaw nga mahimo indi na madayon ang imbestigasyon may kaangtanan sa impeachment sang bise presidente dugangan pa sa ginpagwa nga desisyon sang korte suprema.
Sa nasambit nga desisyon ang Kamara kag Senado ang mahimo magfile sang motion for consideration.
Suno kay Ortiz ang Senado ang indi na magfile.
Suno diri indi na dapat pagkwestyunon pa ang pagbutang kay Marcoleta bilang chairman sa nasambit nga komitiba sa Senado.
