Pagre-allign sang proposed P10 million budget para sa “Isang Kaibigan” nga children’s book, nakadepende sa desisyon sang mayorya sa Senado

Magadepende sa desisyon sang mayorya sang mga Senador ang pagre-align sang proposed P10 million allocation para sa libro nga gin-author ni Vice President Sara Duterte sa idalum sang budget sang iya opisina para sa 2025.

Suno kay Senate President Francis “Chiz” Escudero, wala pa sini nakita ang item kag wala pa man sini nabasa ang libro agud makaangkon ini sang desisyon ukon judgement may kaangtanan sa nasambit nga butang.

Apang ini ang pagabotohan kag pagadesisyunan sang Senado gamit ang majority vote kun hukson ukon ibalik ukon ipabilin ini.

Posible naman suno sa iya nga mare-align ang P10 million budget apang kaangay sang iban nga items, ini ang pagadesisyunan sang Senado kag sang committee on finance kag pagabotohan.